Удирдахуйн ухааны сургууль · Докторын хөтөлбөр

“Төрийн удирдлага”

Суралцах хугацаа: 3-4 жил БМИҮЗ — 5 жилээр магадлан итгэмжлэгдсэн /041306/

Монгол Улсын урт хугацааны хөгжлийн бодлого, түүнийг хэрэгжүүлэх суурь нөхцөлийг бүрдүүлэхэд дэмжлэг болж Монгол Улсын Засгийн газар, БШУЯ, Төрийн албаны зөвлөл, ЗГХЭГ-ын хүний нөөцийн албанаас хэрэгжүүлж буй бодлогод нийцүүлэх, төрийн албан хаагчдад төрийн захиргаа, төрийн удирдлагын ахисан түвшний сургалтаар дамжуулан шинжлэх ухааны салбар, чиглэлийн мэдлэгийн чадамж, хувь хүний мэргэжлийн чадамж, нийгмийн харилцааны чадамж, инновацийн чадамжийг эзэмшүүлэх зорилготой.

Хөтөлбөрийн агуулга

Дээд боловсролын сургалтын хөтөлбөрт тавигдах нийтлэг шаардлага, Удирдлагын академийн төрийн удирдлагын хөтөлбөрийн суралцахуйн үр дүнгийн (PLO) дагуу суурь болон мэргэшүүлэх хичээлүүдийг сонгон судалж, төрийн захиргаа, нутгийн удирдлагын асуудлууд, төрийн албаны хүний нөөцийн асуудлууд, төрийн бодлого тулгамдсан асуудлын хүрээнд судалгааны ажил гүйцэтгэж, докторын зэрэг хамгаална.

Мэргэжлийн суурь хичээлүүд

Улс төрийн онол Бодлого судлал Төрийн захиргааны онол Судалгааны дизайн Судалгааны арга зүй

Элсүүлэх судалгааны чиглэл

Төрийн захиргааны асуудлууд Нутгийн удирдлагын асуудлууд Төрийн албаны хүний нөөцийн асуудлууд Төрийн бодлого

Суралцах хугацаа, хэлбэр

Үндсэн хугацаа 3 жил байна. Танхимын сургалт 3 удаагийн цугларалтаас бүрдэнэ. Эхний хичээлийн жилд 2 удаа /хавар, намар/ хоёр дахь хичээлийн жилд 1 удаа тус бүр 1 сарын хугацаатай танхимд хичээллэнэ. Докторант 3 дахь хичээлийн жилд докторын зэрэг горилох диссертаци боловсруулж хамгаална.

Бүрдүүлэх материалууд

Цээж зураг (3x4 хэмжээтэй байх)
Иргэний үнэмлэхний хуулбар (нүүр болон ар тал)
Төрийн албан хаагчийн анкет (Анкетыг “Зөвлөмж” хэсгээс татна уу)
Магистрын зэргийн дипломын баталгаажуулсан хуулбар (Гадаадад сургууль төгссөн бол баталгаат орчуулгатай байх)
Бакалаврын зэргийн дипломын баталгаажуулсан хуулбар (Гадаадад сургууль төгссөн бол баталгаат орчуулгатай байх)
Бакалаврын болон магистрын зэргийн дипломын лавлагааг E-mongolia эсвэл ТҮЦ машины лавлагааны хамт (лавлагаагүй тохиолдолд бүртгэл хийгдэхгүйг анхаарна уу)
Судалгааны санал (Англи хэл дээр зааврын дагуу судалгааны ажлын чиглэл, зорилгыг тодорхойлон бичсэн байх шаардлагатай ба заавартай “Зөвлөмж” хэсгээс танилцана уу)
Эрдэм шинжилгээний бүтээлийн жагсаалт
Ажил байдлын тодорхойлолт
Бүртгэлийн хураамж 50,000 төгрөг (ХААН банкны 480005005131467243 тоот дансанд тушаасан баримт) Гүйлгээний утга: 210 Регистрийн дугаар (Жишээ нь 210УГ78120703) гэж бичнэ. 210 гэсэн кодын араас регистрийн дугаараа оруулахдаа зай авахгүй болохыг анхаарна уу.

Элсэгчдэд тавигдах шаардлага

Магистрын сургалтыг 3.0-аас доошгүй голч дүнтэй, судалгааны ажил хамгаалж төгссөн байх
Англи хэлний мэдлэгтэй байх
Эрдэм шинжилгээний бүтээл (өгүүлэл, илтгэл, бүтээлийн тойм)-ийг мэргэжлийн чиглэлийн сэтгүүлд нийтлүүлсэн байх, эсвэл үндэсний хэмжээний төсөл, хөтөлбөрт ажиллаж тайлан бичихэд оролцсон байх

Элсэлтийн бүртгэлийн хугацаа

2026 оны 08 дугаар сарын 24-нөөс 09 дүгээр сарын 11-ний өдрүүдэд Удирдлагын академийн цахим системээр бүртгэнэ.

Элсэлтийн шалгаруулалт, хугацаа

Элсэлтийн шалгаруулалт нь суралцах мэргэжил болон судалгааны чиглэлээр бичсэн судалгааны асуудлын товч ярилцлага, монгол хэлний шалгалтаас бүрдэнэ. Элсэлтийн шалгаруулалт 2026 оны 09 дүгээр сарын 14-ний өдрийн 09.00 цагт эхэлнэ.

Хаяг

Улаанбаатар - 17012, Хан-Уул дүүрэг,
Удирдлагын академийн гудамж
Удирдлагын академийн хичээлийн төв байр
Удирдахуйн ухааны сургууль

Утас: 70132152, 70132272

Хөтөлбөрт бүртгүүлэх

Улаанбаатар – 17012, Хан-Уул дүүрэг, 17-р хороо, Удирдлагын академийн гудамж, Удирдлагын академийн хичээлийн төв байр
+976 7013-2152
naoginfo@naog.gov.mn